Il sito personale del barcàro Riccardo Cappellozza

Dedicato a Riccardo


E passion no more mai, e va' ben oltre e fadighe e strachesse

no de un di' solo, ma ...! de na vita de lavoro.

Xe el caso de un caro amigo, che mola' la barca da tosato

ga' cambia' si' mestiero ma la testa xe sta' sempre la'

soi canai lagune e paesi co sto' liquido, vena che unisse el mondo

sopratutto unisse i omani.

Da tanti ani sto qua core su' xo' in serca de tochi de barca, de aredi

de documenti de qualsiasi roba che un tempo gaegiava

e ga' vivesto coi nostri veci, n'co' xe nato el tanto sospira'

museo dea navigassion fluviale,

el xe nato sopratuto par volonta' de sto amigo,

xe nato sto geoso custode de tanti ricordi de tante fadighe

che no se poe contare el numaro.

Ricardo xe come la raisa de na pianta sconta fa' e come chel dise el briga

parche' la zente che ghe piase sta roba qua

desso amira el fruto de sta raisa.

Xe vero che anticamente i diseva che le barche xe bara pi' bea

par un barcaro inamora' dee so quatro tòe che gaegia.


Luciano Rosada