Il sito personale del barcàro Riccardo Cappellozza

ACQUA COME TE VEDE UN BARCARO


Acqua te si el specio pi grande del mondo.
De giomo pal soe de notte aea luna.
Quando xe scuro fondo al firmamento
a tutto te ghe fè specio.
Anca e nuvoe se specia su de mì ai primi albori,
all'aurora, a volte so dorata, ai tramonti infogà.
E quando queste se specia col muso duro, nero, inrabíà,
par che anca mi specio sia nero e crede de farme paura.
Queste no e gà capio che e zè na piccoea parte de mi...
Mi acqua quando so dura giassà dal freddo
so ea forsa pì grande de sta scorsa, sta crosta.
Na barca che te naviga s'incarna sul tò specío.
La luce te penetra sensa tocarte,
ì pessi te naviga, i brilla de luce riflessa
che no te toca.
Acqua no ocore scavarte par trovare i tò brilanti
Basta travasarli par vedarli e tocarli.
Acqua te sì na cuna pal barcaro che se snanara assopio sul to letto a dondolo
Acqua te si tanto umie e servisievoe
da lavare ca ontaria che se porta drio l'omo.
Col gà bisogno de tì el te serca anca soto tera
L'incoscienza, l'ingratitudine de l'omo te sporca
Ea tera generosa te filtra e te tomi brillante
Se l'omo me mete el fogo sotto de mì
Aeora me inrabio anca se so poca,
me incasso tanto da boiare e mostrarghe quanta forsa ca gò
e guai se scoppio daea rabbia.
Mi su stà tera so ea vita ma anca ea morte.
Acqua, el barcaro che te naviga par na vita
El te ama mejo de so muiere
Sicuro e orgoglioso de no portare i corni.
Acqua el soe che se specià su de tì ghè riflette sul viso del barcaro
No el gà bisogno dee lampade par ambronsarse.
Acqua te te meti al sevissio del'omo ingrato che t'inturbia.
NE acqua spero de no perdare del tuto ea passiensa
Parchè se me tiro su ea querta dai piè
i nego tuti sti paiasseti de omani.