Il sito personale del barcàro Riccardo Cappellozza

I barcari de Bataja

Sto mestiero 'ncò xe morto, e da on toco sepe-ìo. Ma nel core de calche vecioto barcàro

almanco el ricordo de sicuro xe vivo. Come se fa desmentegare el patire, el tribulare per tirare

vanti, par magnare. Davanti casa mia, ormai da on bel toco, ghe n'è una de ste barche, vecia

scolorà desfà, e come 'na bota sdolà la xe fenìa. E so tò-e pare crose là piantà come quea del

Signore ma spòja de omo. E sentà longo 'e rive, on paro qua, n'altro paro de-à, mi vedo i

spiriti, vedo 'e àneme de sti barcàri che varda l'acqua, varda l'acqua pianeto córare. e chissà

quante volte che co é-a i xe'ndà xo fin in mare. In meso sti vecioti ghe n'è uno che

desmentegàrmeo mi no posso, el me saria on gropo da mandare xo massa grosso, e anca lu,

poro can, come tuti staltri drio la riva l'è sentà.

El se ciamava Nei, me popà.


Luciano Rosada